ကယားပြည်နယ်အတွင်းရှိ တရားရုံးဝန်ထမ်းများ၏ တက္ကသိုလ်ဝင်တန်းစာမေးပွဲအောင်မြင်သည့် သား/သမီးများအား ဂုဏ်ပြုဆုချီးမြှင့်သည့် အခမ်းအနားကျင်းပ

ကယားပြည်နယ်တရားလွှတ်တော်မှ ကြီးမှူးကျင်းပသည့်ကယားပြည်နယ်အတွင်းရှိတရားရုံးဝန်ထမ်းများ၏ တက္ကသိုလ်ဝင်တန်းစာမေးပွဲအောင်မြင်သည့် သား/သမီးများအား ဂုဏ်ပြုဆုချီးမြှင့်သည့် အခမ်းအနားကို လွိုင်ကော်ခရိုင်တရားရုံး အစည်းအဝေးခန်းမ၌ ( ၂၀.၈.၂၀၂၀ )ရက် ၊ နံနက် ၁၀: ၃၀ နာရီ အချိန်တွင် ကျင်းပပါသည်။

                အခမ်းအနားတွင် ကယားပြည်နယ်တရားလွှတ်တော် တရားသူကြီးချုပ်ဦးကျော်လင်းမောင်က လွိုင်ကော်ခရိုင်တရားရုံးမှ အကြီးတန်းစာရေး ၀န်ထမ်းဒေါ်နော်မူဘာဖော၏ သမီးဖြစ်သူ မဆောင်းသရဖီဦး( မြန်မာ၊ အင်္ဂလိပ်၊ သင်္ချာ၊ ဓာတုဗေဒ၊ ဇီဝဗေဒ) အားလည်းကောင်း၊ တရားလွှတ်တော်တရားသူကြီး ဒေါ်သန်းသန်းအေးက လွိုင်ကော်ခရိုင်တရားရုံးမှ အကြီးတန်းလက်နှိပ်စက်စာ​ရေး ၀န်ထမ်းဒေါ်ရို့စ်လင်း၏သားဖြစ်သူ မောင်ဂျွန်စွမ်းရည်ပြည့်( သင်္ချာ၊ ဓာတုဗေဒ၊ ရူပဗေဒ) အားလည်းကောင်း၊ တရားလွှတ်တော်တရားသူကြီး ဒေါ်စဝ်ဥမ္မာကြည်က မယ်စဲ့မြို့နယ်တရားရုံးမှ အကြီးတန်းစာရေး ၀န်ထမ်းဒေါ်ရိုစီထူး၏သမီးဖြစ်သူ မဆုမာန်နိုင် ( သင်္ချာ၊ ဇီဝဗေဒ) အားလည်းကောင်း၊ ပြည်နယ်တရားရေးဦးစီးမှူး ဒေါ်အေးအေးလှိုင်က လွိုင်ကော်မြို့နယ်တရားရုံးမှ ရုံးစောင့်၀န်ထမ်းဦးသာဦး၏သမီးဖြစ်သူ မတင်ဇာဦးအားလည်းကောင်း ဂုဏ်ပြုလက်မှတ်နှင့် ဆုများကို အသီးသီးချီးမြှင့်ခဲ့ကြပါသည်။

ဆက်လက်၍ လွိုင်ကော်ခရိုင်တရားသူကြီး ဒေါ်မိုးမိုးမြင့်နှင့် လွိုင်ကော်မြို့နယ်တရားသူကြီး ဒေါ်အေမီဝင်းနိုင်တို့ကလည်း ဆုလက်ဆောင်များ ချီးမြှင့်ခဲ့ပါသည်။

၂၀.၈.၂၀၂၀

လွိုင်ကော်မြို့